కందుకూరు ఎంబీసీ: 79వ స్వాతంత్ర్య దినోత్సవాన్ని TRR ప్రభుత్వ జూనియర్ కళాశాలలో దేశభక్తి ఉత్సాహంతో ఘనంగా నిర్వహించారు. ఈ సందర్భంగా కళాశాల ప్రిన్సిపాల్ గారు జెండా ఆవిష్కరణ చేసి, స్వాతంత్ర్య సమరయోధుల త్యాగాలను స్మరించుకుంటూ విద్యార్థులకు ప్రేరణాత్మక సందేశం అందించారు.
వేడుకలలో భాగంగా 100 మీటర్ల పరుగుపందెం, షాట్‌పుట్, వ్యాసరచన, వక్తృత్వ పోటీ, క్విజ్ వంటి విభిన్న పోటీలను నిర్వహించారు. విద్యార్థులు ఉత్సాహంగా పాల్గొని, ప్రథమ, ద్వితీయ, తృతీయ స్థానాలను సాధించిన వారికి బహుమతులు ప్రదానం చేశారు.
అధ్యాపకులు, అధ్యాపకేతర సిబ్బంది దేశభక్తి, సామాజిక బాధ్యతపై విలువైన సందేశాలను అందించారు. విద్యార్థులు దేశభక్తి గేయాలు ఆలపించి, సాంస్కృతిక నృత్య ప్రదర్శనలతో కార్యక్రమాన్ని మరింత ఆకర్షణీయంగా తీర్చిదిద్దారు.ఈ సందర్భంగా దేశాభివృద్ధిలో విద్యార్థుల పాత్ర ఎంతగానో ముఖ్యమని, వారు రేపటి బాధ్యతగల పౌరులని గుర్తుచేస్తూ, చివరగా మిఠాయిలు పంచి, జనగణమనతో కార్యక్రమాన్ని విజయవంతంగా ముగించినట్లు కళాశాల ప్రిన్సిపాల్ శ్రీ షేక్.నాగూరు వలి గారి తెలిపారు.
0 Comments